×
menu icon
Teken in
Registreer gratis
Web Desktop Banner
Web Mobile Banner

Kinders en tieners word vandag groot in ’n wêreld waar hul lewens aanlyn en aflyn al hoe meer verweef raak. Sosiale media kan ’n plek van verbinding, selfontdekking en deelname wees, maar dit kan ook kinders blootstel aan groepsdruk, uitsluiting, ongesonde aanlyn gedrag en kuberboelies.

Hoe weet jy wanneer jou kind aanlyn sukkel en hoe help jy hulle om veilig en verantwoordelik deur die digitale wêreld te navigeer?

By Solidariteit se gratis #Sosialemediawebinaar neem dr. Serahni Symington ouers en persone wat met kinders en tieners werk deur die uitdagings en geleenthede van jong mense se digitale leefwêreld.

 

 

Tydens hierdie praktiese sessie ontdek jy:

✔ wat sosialemediageletterdheid werklik beteken;
✔ hoe kuberboelie van tradisionele boeliegedrag verskil;
✔ watter invloed aanlyn gedrag op ’n kind se emosionele en sosiale welstand kan hê;
✔ hoe om tekens raak te sien dat jou kind moontlik aanlyn sukkel;
✔ hoe om gesonde grense rondom sosiale media te ontwikkel; en
✔ hoe om belangrike gesprekke oor groepsdruk, privaatheid, aanlyn gedrag en digitale verantwoordelikheid te voer.

Die doel is nie om kinders van tegnologie weg te hou nie, maar om hulle te help om kritiese, verantwoordelike en veerkragtige digitale gebruikers te word.

serahni

 

Spreker: Dr. Serahni Symington

Dr. Serahni Symington is ’n geregistreerde berader met ’n passie om individue en gesinne op ’n deernisvolle en holistiese manier te ondersteun. Sy het haar studie in Sielkunde aan die Universiteit Stellenbosch voltooi, gevolg deur haar honneurs- en meestersgraad, wat sy cum laude behaal het. Daarna is sy aanvaar vir die PhD-program in Sielkunde aan Noordwes-Universiteit.

Vanuit ’n Gestalt-perspektief glo Serahni daarin om mense te ontmoet waar hulle hulself in die lewe bevind, en hulle met begrip, empatie en praktiese ondersteuning deur uitdagings te begelei. Sy gee ook deeltyds klas, fasiliteer modules in gesinsberading en hou toesig oor beraders in opleiding.

Dr. Serahni is verder ’n bekende stem op Radio Tygerberg en lewer gereeld bydraes oor ouerskap vir tydskrifte en nuusplatforms. Sy is ook ’n vrou en ma van twee kinders – ’n rol wat steeds die hart van haar werk inspireer.

 

Belangrike vrae en antwoorde 

Wie behoort hierdie webinaar by te woon?
Enige ouer, voog of persoon wat met kinders en tieners werk en hulle beter in die digitale wêreld wil begelei.

Is hierdie webinaar net vir ouers van tieners?
Nee, die beginsels van gesonde digitale gedrag en begeleiding is relevant vir ouers van kinders en tieners van verskillende ouderdomme.

Gaan daar praktiese raad oor sosiale media wees?
Ja, die sessie fokus op praktiese riglyne vir gesonde grense, aanlyn gedrag, gesprekke met kinders en die identifisering van moontlike probleme.

Gaan daar oor kuberboelie gepraat word?
Ja, dr. Serahni Symington bespreek hoe kuberboelie van tradisionele boeliegedrag verskil en watter invloed dit op kinders se emosionele en sosiale welstand kan hê.

Is die webinaar gratis?
Ja, die webinaar is gratis. ʼn Gratis profiel op Solidariteit-aanlyn is wel nodig om die webinaar op 22 September 2026 te kan kyk.

Kontak ons
diens@solidariteit.co.za
0861 2524 23

Bly op hoogte van Solidariteit se aksies